VOV4.K’ho -  Tuh phơng geh bơnga\ kuơ màng ngan tàm broa\ dờng pràn mờ  kis dờng bơh chi tam, cèng wơl cồng nha lơh sa tus cau lơh broa\ sa. Ờ mìng bè hơ\,  ngui phơng tuh di pal gam geh pơ gồp geh dong lơh niam  ù tiah tam phan. Nàng dong làng bol geh bơtàu tơngguh cồng nha ngui phơng tàm chi tam, tiến sĩ Phan Việt Hà atbồ cơldu\ rơndap  broa\ jak chài mờ tam klac dunia- Gah lơh broa\ jak chài ma\y mok lơh broa\ sa suơn sre chi brê Tây Nguyên geh pơlam làng bol geh ngui phơng di bơta, di khà, di tu\ tơngai nàng geh dong chi tam dờng mờ  cat pràn.

            -Ơ tiến sỹ,  làng bol cau tam phan sơnđìng bơh bơta lơi nàng geh gơtùi tuh phơng di bơta chi tam?

            Tiến sỹ Phan Việt Hà: Ngan  la di bơta phơng, hơ\ la tu\ bol he geh ngui ù lơi, bơta khà lơi, tàm bơta  phơng tuh jak ngan gơbàn roh hoàc hala kan ngan lề den bol he pal ngui bơta phơng bươn ngan lề. Hala ala\ ù tiah  ua\ ir sràt den  ba` ngui ala\ bơta phơng lơh sràt ù. Tàm Tây Nguyên di lah he geh ngui phơng Supe lân den geh lơh sràt ù, hala đàm sunfat kung geh lơh sràt ù, ala tàm bè hơ\ bol he gơtùi ngui ala phơng đàm sunjat mờ Urê hala Supe lân den bol he ngui phơng lân buh lề.

            -Tiến sỹ geh jơnau tơngkah lơi bè khà ngui phơng tuh, tu\ làng bol tuh chi tam in, ờ?

            Tiến sỹ Phan Việt Hà: Nàng tuh phơng di khà den bol a` geh đơs mờ làng bol bol he pal geh mblàng ù nàng geh sền, tàm ù geh bơta lơi,  bơh ala\ anih geh mblàng ù den khi geh pơlam bè khà ngui phơng di pal ngan  tus mờ làng bol. Hala êt ngan làng bol kung lơh jat khà phơng ngui di pal ngan  tus mờ  bol a` geh đơs tàm ala\ broa\ lơh geh pơlam bơta  chài bè kơphe, tiêu, ala\ bơta chi tam lơyah ngai, bol a` drờm geh cih ala\ pơlam bơta chài bal, geh cèng geh cồng nha niam ngan  rlau jơh.

            -Ơ tiến sỹ, tiến sỹ gơtùi ai tơlik ờ ua\ pơnyơu bè tu\ tơngai di pal nàng tuh phơng tus ờ ua\ bơta chi tan, kờ` làng bol tam tam phan gơtùi ngui lah ờ?

            Tiến sỹ Phan Việt Hà: Bè tu\ tơngai den ala\ chi tam jo\  sơnam  den bol he geh tuh phơng jat ua\ tu\ tơngai krơi is, bè kơphe den  bol he tuh phơng dùl dơ\ tàm nhai prang mờ 3 dơ\  tàm nhai mìu. Mờ chi tam lơyah ngai den bol he tuh phơng jat tơngai kis gơ dê, jơh ala\ bơta, bol a` geh pơlam gơ jat bơta ù  tiah,  ù pơrhê den bol he tuh phơng  jat khà ndai, ù jù pàl den bol he tuh phơng jat dùl khà ndai.

            -Bè hơ\, làng bol  cau lơh  broa\ sa kờ` ai bơh bơta lơi nàng geh tuh phơng di pal, cèng wơl cồng nha lơh sa niam rlau jơh, ơ tiến sỹ?

            Tiến sỹ Phan Việt Hà: Tàm Tây Nguyên tuh phơng chi tam in la chi tam jo\  nam den ua\ ngan la bol he tuh phơng tu\ tus mìu, tu\ geh mìu dờng den gơbàn gơ cò  pơrdô jơh phơng mờ bol he geh tuh. Hala tu\ tuh phơng, bol he tuh phơng, bol he ờ git geh trồ tiah gơ gam gơl bè lơi dilah ờ mìu den geh lơh gơbàn hoàc gời phơng tu\ he geh tuh, ù ra` mờ tơngai duh, tu\ hơ\ phơng geh gơbàn  roh jat gơ ta\ nhơm. Jat bol a`. geh đơs mờ làng bol mờ ala\ chi tam jo\ sơnam, dan làng bol pal tuh phơng  tu\ ù gam ìo, tu\ tuh phơng den bol ge pal geh broa\ lơh bồr phơng, bol he pal klài phơng bal mờ ù nàng gơ geh lề mhar rlau, pleh gơbàn gơ roh hoàc gời.

            -Bè ờs,  geh ua\ ngan bơta kòp tu\ mờ chi tam gơbàn ờ tơl phơng, tiến sỹ gơtùi tam pà bơta mờng sền chi tam nàng git kòp mờ tuh phơng bơsir di pal mo?

            Tiến sỹ Phan Việt Hà:  Mờ broa\ ờ tơl đah lượng den di lah chi tam ờ tơl đàm den bol he gơtùi go\ nha pàl, chi tam ờ pràn,  gơbàn cruan, ờ tơl phơng lân den chi ờ hoan cat, rơyas ờ pràn, mờ bol he geh go\  geh ala\ tềl ro tềng cồng nha, hala ờ tơl kali den geh gơbàn rơ ồ tềng khùem nha. Mờ ờ tơl trung vi lượng den geh ai go\ ngan tàm nha bơnung. Tàm Tây Nguyên den ua\ ngan la  ờ tơl kẽm mờ ờ tơl Bo, hơ\ la 2 bơta kờ` ngan  tàm ù tiah Tây Nguyên. Tu\ ờ tơl kẽm den  bol go\ tàm nha bơnung geh gơ mblàng,  ờ niam mờ geh gơ lơh bè mơ\, tu\ ờ tơl Bo den cồng geh cat ờ pràn,  tờm ờ  dờng ờ cat pràn.

            -Ưn ngài tiến sỹ bè dơ\ tìp mờ lùp jơnau do.

                    Cau cih mờ yal tơnggit K’ Brọp