Kơlôi sơnơng pa bè kơnuh sơnơm Ngọc Linh pơgồp bơnah bơtàu tơngguh lơh sa – mpồl bơtiàn càr Kon Tum
Thứ sáu, 14:13, 16/05/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mho ngai 15/05 tàm ƀòn dờng Kon Tum, Anih duh broă Làng bol càr Kon Tum bơyai lơh Pơrjum cribơyai jak chài “Ală kơlôi sơnơng pa bè kơnuh sơnơm Ngọc Linh- Broă lơh geh mờ jăt ngui”.
Pơrjum cribơyai đơs nền loh rlau bơta kwơ, bơta pràn đah sơnơm tơm ba bơh kơnuh sơnơm Ngọc Linh dê, ai pà cơng tàng jak chài kơ̆ kơl jăp ai broă lơh sơnơm, sền gàr pràn kơldang mpồl bơtiàn mờ bơtàu tơngguh lơh sa- mpồl bơtiàn càr dê in.
Jăt ồng Nguyễn Đức Tuy, Phó Ƀí thư Duh broă sùm Tỉñ ủy càr Kon Tum, gĭt nền geh bơta kwơmàng bơh bơta pràn dờng ngan bơh Kơnuh sơnơm Ngọc Linh dê, Tỉñ ủy càr Kon Tum neh geh Jơnau lơh nền tàm pơrjum “Bè bơcri priă, bơtàu tơngguh mờ lơh gơs phan sơnơm tơm ba tàm ù tiah càr tus nam 2025, pơlam gùng tus nam 2030”. Càr Kon Tum ơn jơnau kờñ tus lồi nam 2025 bơtàu tơngguh geh 4 rbô 500 lồ kơnuh sơnơm Ngọc Linh mờ tus nam 2030 geh pơgăp 10 rbô lồ kơnuh sơnơm Ngọc Linh.
Viết bình luận