Dơ̆ lam lơh tàm càr Dăk Lăk geh bơta tus bal bơh ala mat Mpồl Cữ thập đỏ 19 càr, ƀòn dờng tiah tàm gùl lơgar, Tây Nguyên. Bơh hơ̆ neh dong kờl càr Dăk Lăk rlau 4 tơmàn 500 tơlak đong nàng lam lơh ală broă lơh Nhai dong kờl kòn bơnus.

Bè đah càr Dăk Lăk, càr kờp dŭ rơp bơyai lơh bơh 4 broă lơh kham kòp, pà sơnơm ờ sa priă, lơh pa mờ lơh niam wơl 6 nơm hìu ƀềp trŭ sa ngai tàm ală kơnhoàl kal ke; pà phan, rơndeh coh, priă dong kờl bơsram, dong kờl broă lơh sa ai ală hìu bơnhă kal ke in, dong kờl kơnòm bơsram rƀah sơrlèt gan kal ke bơsram jak. Do là nam dơ̆ 4, Nhai dong kờl kòn bơnus geh lam lơh tàm gùt lơgar. Mờ tơngume “Gùng dong kờl kòn bơnus – gơ rề uă bơta kờñ gơboh”, Nhai dong kờl kòn bơnus nam do lơh broă uă bơh ngai 08 tus ngai 19/5, ai jơnau kờñ hòi jà tă pơgồp geh bơh 400 tơmàn đong nàng lam lơh ală broă lơh dong kờl kòn bơnus.