Càr Dăk Lăk bơyai lơh pơrjum tìp măt tơm bơh bơr đah kwang đơng lam bồ càr mờ cau ala măt lòt Pơrjum dờng Jơi bơtiàn dồ êt nă cau
Thứ bảy, 08:16, 19/10/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
K'HO.VOV.VN - Dơ̆ sơnrờp càr Dăk Lăk bơyai lơh pơrjum tìp măt tơm bơh bơr đah kwang đơng lam bồ càr bal mờ cau ala măt lòt Pơrjum dờng jơi bơtiàn dồ êt nă cau kâp càr.
Jơnau yal do geh đơs tàm pơrjum ƀăo Pơrjum dờng cau ala măt ală jơi bơtiàn dồ êt nă cau càr Dăk Lăk dơ̆ 4, nam 2024 geh lơh tàm mho ngai 18/10. Pơrjum dờng cau ala măt ală jơi bơtiàn dồ êt nă cau càr Dăk Lăk dơ̆ 4, nam 2024 rơ̆p geh lơh tàm 2 ngai bơh ngai 24 tus 25/10 do tàm ƀòn dờng Buôn Ma Thuột, bal mờ tơnggume “Làng bol ală jơi bơtiàn càr Dăk Lăk tam klăc, tam gơl pa bơceh lơh, ngui niam bơta ƀươn, bơta pràn, mŭt gơrờm bal mờ bơtàu tơngguh kơ̆ kơl jăp”.
Di gơlan geh rlau 300 nă cau ala măt lòt pơrjum, tàm hơ̆ geh 250 nă cau ala măt ngan ngồn, ala măt ai rlau 715 rbô nă làng bol jơi bơtiàn dồ êt nă cau gơ wèt 49 jơi bơtiàn tŭ do gam ơm kis, bơsram sră mờ lơh broă tàm càr Dăk Lăk.
Viết bình luận