Đơs tàm Pơrjum dờng, ồng Đỗ Văn Chiến- Củ tịc Anih duh broă Mặt trận Dà lơgar Việt Nam- cih dờp mờ jờng rơ ală cồng nha mờ Đảng ƀộ, gơnoar atbồ mờ làng bol ală jơi bơtiàn càr Gia Lai neh lơh geh.

Ồng song dơ pă đơs loh ală bơta gam ờ hềt niam, ờ hềt pràn tàm lam lơh jat Broă lơh jơnau kờñ Dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau mờ tiah kơh bơnơm tàm càr dê. Mơkung sồr càr Gia Lai pơn jat tai sền gròi tơnguh uă rài kis phan bơna, nùs nhơm bơh làng bol dê; lơh jat niam gơnoar kwơ màng bơh cau geh bơngă pin dờn dê tàm mpồl bơtiàn lơh tờm tàm broă mblàng yal jơnau, hòi jà làng bol ală jơi bơtiàn pơgồp bơnah bơt bơtàu nùs nhơm pin dờn làng bol kơ̆ kơl jăp; sùm bơt bơtàu, sơlơ tơnguh tai mpồl tam klăc dờng jơh gùt jơi bơtiàn; sơlơ tơnguh tai prap gàr, ngui niam bơhiàn niam chài jơi bơtiàn dê.