Đơs tàm pơrjum tơnkah, Phó Củ tịc lơgar mò Võ Thị Ánh Xuân dờp mờ jờng rơ ală cồng nha mờ Đảng ƀộ, gơnoar atbồ bal mờ làng bol ală jơi bơtiàn càr Hoà Bình đơs bal mờ kơnhoàl Kim Bôi đơs is neh lơh geh tàm tơngai do.

Phó Củ tịc lơgar đơs sùm, tŭ do, gùt lơgar he gam tơrgùm nàng lơh geh cồng nha Jơnau lơh nền Pơrjum dờng dơ̆ XIII, rơcang Pơrjum dờng cau ala măt gùt lơgar dơ̆ XIV Đảng dê – dùl pơrjum dờng geh kwơ màng bè tàm jơnau đơs pơn dŭt Pơrjum Dà lơgar 10 pa do, mờ rơcang niam ală bơta nàng bơyai lơh geh cồng nha Pơrjum dờng Đảng ƀộ càr dơ̆ XVIII, ai geh ală kơnòl, broă lơh bơtàu tơnguh mhar, kơl jăp, bơ̆t bơtàu càr Hoà Bình gờñ gơs càr bơtàu tơnguh, gơwèt mpồl càr lam lài tiah tàm gùl đah tô mờ tiah kơh bơnơm đah Tô Dà lơgar dê.