Tàm dơ̆ lơh broă, Thủ tướng sồr Kwang àng càr Phú Thọ pơn jăt tai kơlôi sơnơng, lơh jăt kràñ cê jơh nùs, dồ ròt bal mờ geh cồng nha jơnau sồr, gùng dà, broă dong kờl, adăt boh lam bơh Đảng, Dà lơgar dê bè broă lơh Kwang àng; tàm hơ̆ geh ală kơnòl broă geh jàu jăt Broă ring bal bal sồr lơh sồ 06 mờ Jơnau sồr bơh Thủ tướng Cíñ phủ dê bè broă pơn jăt tai chồl pràn lam lơh jăt Broă ring bal sồr lơh; lơh jăt kràñ bơta đơng lam, ătbồ tơn bơh Ƀộ trưởng Ƀộ Kwang àng dê.

Thủ tướng sồr mpồl Kwang àng càr Phú Thọ pơn jăt tai sền gròi lơh niam broă lơh bơ̆t bơtàu Đảng, lơh jăt niam rlau tai nùs nhơm “tài dà lơgar hŭi să tờm, tài làng bol drơng broă”, “gam Đảng gam he”, “tiơng niam là jơnau king crŭ, dờng màng ngan rlau jơh”, lơh gơs jak ngan jơh ală kơnòl broă geh Đảng, Dà lơgar mờ Làng bol dê jàu.