Ala mat Đảng, Dà lơgar Việt Nam, Củ tịc lơgar sền dờng màng ưn ngài Bơtau  lơgar Campuchia ồng Norodom Sihamoni, Củ tịc CPP, Củ tịc Thượng viện lơgar Campuchia ồng Hun Sen bal mờ đơng lam bồ kấp dờng Campuchia neh pơyoa jơnau tam pà bal muăt jrùm mờ ai mpồl tus bal dơ̆ pơrjum ies tơ̆p ƀồc, tơngŏ nùs nhơm ưn ngài uă ngan mờ rềp mềr đah 2 lơgar.

Bàr gah ring bal pơn jat tai lam lơh geh cồng nha ală tơngume neh lơh geh tàm ală dơ̆ tìp mat kấp dờng pa do, is ồn là dơ̆ tìp mat 3  Tổng Ƀí thư lơgar Việt Nam – Campuchia – Lào tàm nhai 2/2025. Bàr gah kung đơs nền bơta kwơ màng bơh bơta gĭt gơ̆p ờs mờng, tam klăc bal, rềp mềr mờ jàu phi bal mờ gơ̆p, ngan là tàm tơngai tàm tiah do mờ tàm dunia gam geh uă bơta tam gơl.