Gơl gùng geh bơta jòng kờp dŭ lài rlau 28,5 kơi sồ, lòt gan ală sàh Cuôr Đăng, Quảng Phú, Ea Nuôl mờ ală sơnah ƀòn Tân An, Buôn Ma Thuột. Tiah sơn rờp gơl gùng Dờng 14, gơwèt sàh Cuôr Đăng; tiah lồi dŭt gùng tàm tìp mờ Gùng càr 1, gơwèt sàh Ea Nuôl. Rơndăp broă lơh mpồl B, ngui priă kes priă Dà lơgar 1 rơbô 080 tơmàn đong mờ kes priă càr dê là 720 tơmàn đong. Jat mòn lơh, gơl gùng geh bơta lòt mhar uă ngan rlau jơh 80 kơi sồ dùl jiơ, bơnàng gùng ơnàng 12 thơk, bal mờ ală rơƀàng, rƀòng dà, rbòng yuh dà mờ ală broă lơh bơt bơtàu gàr niam lơngap lơngai gùng lòt rê. Tơngai lơh jat bơh nam 2026 tus nam 2029.

Tŭ lơh sir, gơl gùng glòm 2 rơ̆p pơgồp bal mờ tiah đah mat tơngai mut, tiah đah Tô mat tơngai mut Buôn Ma Thuột mờ gùng rơndeh lòt mhar Khánh Hoà- Buôn Ma Thuột mờ ală gơl gùng lòt rê tờm; pơgồp bơnah tơrmù ƀà bơta kơn jơ̆ gùng lòt rê tàm tiah anih tờm, pờ ơnàng ù tiah drà, gơ hòi gơ jà bơcri priă mờ sơlơ bơtàu tơnguh tai lơh sa- mpồl bơtiàn bơh càr dê.