Càr Dăk Lăk tŭ do geh mờr 220 rbô lồ kơphe, khà lơh geh rlau 580 rbô tấn pah nam. Gah lơh phan do cèng wơl priă lơh geh bơh tac phan hờ lơgar ndai mờr 900 tơlak dolar Mỹ pah nam. Bulah bè hơ̆, mờr 90% bă kơphe bơh ală hìu bơnhă lơh broă sa tam dồ êt atbồ, ai tơlik jơnau sồr rơndap wơl broă lơh sa, tơnguh bơta niam mờ yal loh làng anih lơh gơlik nàng gàr sùm bơta pràn tàm pơrlòng tàm drà kă bro ală lơgar.

Tơngai bơh nam 2021 tus nam 2025, bơh Broă lơh Ù tiah ơm kis kơnhăp jŏ, IDH pơgồp bal mờ ală mpồl lơh broă bal lam lơh uă broă lơh tàm càr Dăk Lăk, mờ tiah tam kơphe rlau 91 rbô 500 lồ mờ rlau 75 rbô hìu bơnhă làng bol geh dờp kuơ. Tơngai bơh nam 2026 tus nam 2030, bàr gah wèt tus bơt bơtàu tiah tam kơphe kơnhăp kơ̆ mờr 75 rbô lồ tai tàm càr Dăk Lăk.