Tàm dar pơrjum ƀùi drim, Quốc hội cribơyai bè rơndăp broă lơh Adat Lơh sa kă bro ù tiah hìu đam (tam gơl) mờ Adat Lơh jat làng bol lơh tờm tàm kấp hơ đơm (tam gơl). Bộ trưởng Bộ Bơt bơtàu mờ Bộ trưởng Bộ Broă dơlam is rơ̆p mblàng lơh loh ală broă cau ala mat dê đơs.

Ƀùi mho, Quốc hội cribơyai bè cồng nha lơh jat broă rơndăp lơh bơtàu tơnguh lơh sa- mpồl bơtiàn nam 2026, kờp dŭ broă rơndăp lơh nam 2027; bơta lơh jat kes priă dà lơgar, broă rơndăp lơh bơcri priă dà lơgar nam 2026 mờ gùng dà broă lơh tam pà kes priă Dà lơgar, broă rơndăp lơh bơcri priă dà lơgar nam 2027. Quốc hội kung sền sơ wì kờp dŭ tă dơ̆ ngui kes priă dà lơgar nam 2025, broă tơn jơh lơh jat Jơnau lơh nền tàm pơrjum sồ 66 nam 2013 mờ tơn jơh bơcri priă lơh rơndăp broă lơh gùng Hồ Chí Minh dờng 2 bơnàng gùng rơndeh.