Jat hơ̆, bơh ngai 21 tus ngai 24 nhai 6, ală tiah rơ̆p lơh trờn tiah lơh broă, rơndăp ală phan bơna mờ kwang bàng. Bơh ngai 25 tus ngai 26 nhai 06, lơh jat tơrlòng lài ală broă lơh cíñ trị- sră nggal gơnoar atbồ geh Đảng ủy, Mpồl duh broă Làng bol, Anih duh broă Làng bol mờ Mặt trận Dà lơgar sàh dê. Tàm tơngai lơh tơrlòng lài, Đảng ủy sàh pơrjum Mpồl duh broă,  lơh broă lơh broă nhai sơn rờp mờ ai lơh jat kơrnoat boh lam lơh broă. Mpồl duh broă Làng bol rcang ai pơrjum sơn rờp, Anih duh broă Làng bol lơh tơrlòng lài broă lơh “dùl mpồng” bơsong ală bơta di gơlan gơlik geh wă làng bol, lơh broă phần mềm atbồ  ală gah. Mặt trận Dà lơgar bơyai lơh srơh ngan ngồn.

Drim ngai 1/07, ală kơnhoàl, ƀòn drà dờng, ƀòn dờng rơ̆p dồ ròt bal bơyai lơh dơ̆ yal ngan ngồn tơnggơs gơnoar atbồ kấp sàh pa. Nàng gàr niam tŭ tơngai lơh broă, Tỉñ ủy càr tơnggơs Mpồl lơh broă dong kờl bal mờ ală mpồl lơh broă geh gơnoar pơgồp bal gàr niam bơta chài măi mok, lơngăp lơngai, bơsong bơta digơlan gơlik geh.