Broă lơh nam do geh lam lơh mờ tơngume “Cau kơnòm să Việt Nam pơn yờ să, kơ̆ dơn pin dờn jat Đảng”, tơnguh nùs nhơm tă pơgồp, geh kơnòl, bơceh lơh tàm rơnàng cau kơnòm să; wèt tus ală tềl kah yau kuơmàng bè Tơngkah 80 nam kac màng nhai 8 pha lin mờ Sơntờm dà lơgar ngai 02 nhai 9, 100 nam Ngai crơng gơs mpồl Việt Nam kac màng ơruh pơnu, wèt tus Pơrjum dờng Đảng gùt lơgar dơ̆ XIV, tơngai lơh broă bơh nam 2025 tus nam 2030.

Tus bal mờ đơs tàm dơ̆ bơyai lơh, Củ tịc Anih duh broă Mặt trận dà lơgar Việt Nam ồng Đỗ Văn Chiến jờng rơ nùs nhơm lam lài, bơceh lơh bơh ơruh pơnu gùt lơgar dê mờ sồr ală kâp, ală gah broă lơh pơn jat tai lơh gơlik bơta niam nàng mpồl ơruh pơnu in tơnguh gơnoar broă tàm bơtàu tơnguh lơh sa mpồl bơtiàn, tam gơl sồ, sền gàr tiah ơm kis, bơt bơtàu ƀòn lơgar pa mờ sền gàr kơnòm dềt, ngan là tàm tiah sar lơgar ngài, tiah nhàr lơgar, bồt dà lềng. Mờ kung đơs nền gơnoar broă kuơmàng bơh mpồl lơh broă Đoàn dê tàm broă ngui bơta pràn mờ bơta kơp kơnờm tă pơgồp bơh cau kơnòm să dê tàm rài pa.