Drim ngai 2/06, rlau 6 rơbô 800 nă kơnòm pơrlòng càr Kon Tum mut tàm dơ̆ Pơrjlòng rơ wah kơnòm bơsram mut bơsram ơdŭ 10 mờ môn bơsram sơn rờp là Ngữ văn, tơngai lơh jơnau bơsram là 120 phuk. Tŭ pơrlòng rơ wah kơnòm bơsram mut bơsram ơdŭ 10 nam bơsram 2025-2026 càr Kon Tum geh rlau 6 rơbô 800 nă cau pơrlòng tus bal pơrlòng, tàm tŭ hơ̆ broă jàu rơ wah kơnòm bơsram mut bơsram ơdŭ 10 geh jàu là mờr 7 rơbô 700 nă kơnòm bơsram.

Nàng dơ̆ pơrlòng in geh bơyai lơh lơngăp lơngai, niam ngan, di mờ jơnau sồr Sờh Bơto bơtê mờ Bơsram càr Kon Tum bơyai lơh 24 Mpồl duh broă sền pơrlòng tàm 10 kơnhoàl, ƀòn dờng; hòi jà rlau 1 rơbô 050 nă kwang bàng, cau lơh broă lơh broă lơh sền pơrlòng. Sờh Bơto bơtê mờ Bơsram càr Kon Tum pà gĭt, broă rơ wah kơnòm bơsram mut bơsram ơdŭ 10 nam do geh càr bơyai lơh gờñ rlau 1 nhai nàng gàr niam lơh jat gùng dà broă lơh rơndăp tăp sèng, rơndăp wơl mpồl lơh broă sră nggal gơnoar atbồ ală kấp. Dơ̆ pơrlòng rơ wah kơnòm bơsram mut bơsram ơdŭ 10 bơh càr Kon Tum nam do dê geh uă bơta pa. Kơnòm pơrlòng lơh 3 jơnau pơrlòng, geh  Ngữ văn, Toán họk mờ môn pơrlòng dơ̆ 3 geh rơ wah bơh ală môn bơsram geh sền sơ wì mờ khà điềm sồ tàm broă lơh bơto bơtê kấp bàr, gàr niam ờ gŏ di rơwah bal dùl môn pơrlòng dơ̆ 3 uă ir 3 nam pơn jat sùm.