Tàm broă lơh đoàn viên, ơruh pơnu càr Kon Tum geh 22 jơnau lùp tơnơ̆ bơta kơ̆p kờñ, jơnau dan, jơnau đơs geh gơrềng tus broă lơh jat ală gùng dà broă lơh, broă lơh bè tam gơl pa bơceh lơh mờ bơtàu tơnguh lơh sa- mpồl bơtiàn tàm ù tiah càr dê.

Đơs tàm broă lơh, ồng Nguyễn Hữu Tháp, Phó Củ tịc Anih duh broă Làng bol càr Kon Tum đơs nền bơta kơ̆p kờñ bơh đơng lam bồ càr dê gơwèt mờ rơnàng kơnòm să. Nàng lơh jat niam gơnoar broă lam lài bơh đoàn viên, ơruh pơnu dê đơng lam bồ càr kơ̆p kờñ ală kấp ƀộ Đoàn tàm càr geh tai uă srơh tàm pơrlòng geh ngan, geh cồng nha nàng lơh jat niam rlau tai gơnoar broă, bơta tă pơgồp, tă pơgồp dà kơl hề bơh đoàn viên ơruh pơnu dê tàm bơtàu tơnguh jak chài măi mok, tam gơl pa bơceh lơh mờ tam gơl sồ bơh càr dê.