Đơs tàm dơ̆ lơh broă, Phó Thủ tướng Duh broă sùm Cíñ phủ ồng Nguyễn Hoà Bình jờng rơ uă ngan bơta ring bal, tam klăc bal mờ lơh jat niam tàm broă lơh đơng lam, pơgồp bal lam lơh jat Jơnau lơh nền tàm pơrjum dơ̆ 11 bơh Mpồl Duh broă Đảng Dà lơgar khoă 13 bơh ală càr dê, ngan là broă lơh pơgồp bal tàm lơh jat kơnòl broă bè tơmŭt bal, rơndăp tăp sèng mpồl lơh broă, rcang niam ală tơngume ai Pơrjum dờng Đảng ală kấp in.

Bè broă ai, rơndăp tăp sèng cau lơh broă tơnơ̆ tŭ tơmŭt bal, Phó Thủ tướng Duh broă sùm Cíñ phủ ồng Nguyễn Hoà Bình đơs nền: Do là kơnòl broă jal mhar, ală tiah pal jat nền tàm ală jơnau sồr bơh Đảng mờ Dà lơgar dê nàng lơh di, niam ngan, gàr niam bơta yal loh làng, song dơ pă. Pal ơn broă tơl jơnau sồr kwang bàng dê lài ngan, gàr niam bơta niam pràn jak, bơngă pin dờn mờ bơta bơnĕ bơnài bal đah ală tiah; sền gròi broă ai kwang bàng tờm tàm kấp sàh, lơh geh jơnau sồr lơh kơnòl broă pa.