Thủ tướng jờng rơ cồng nha gùt plai ù bơh PowerChina dê, tàm hơ̆ geh uă rơndap broă lơh geh cồng nha tàm lơgar Việt Nam. Thủ tướng đơs nền bơta git gơp lơh bơyô, lơh broă bal jŏ jòng tơl làm đah Việt Nam mờ Lo gam lơh gơlik bơta ƀuơn nàng mpồl lơh sa kă bro 2 lơgar sơlơ tơnguh lơh broă bal ngan ngồn, geh kuơ bal. Thủ tướng kơp kờñ PowerChina pơn jat tai bơcri priă tàm ală gah bè năng lượng sàng goh, phan bơna kuơmàng, ngan là gùng rơndeh ồs tiah drà, ai lài gơl gùng rơndeh ồs Hải Phòng – Hà Nội – Lào Cai. Củ tịc ồng Châu Gia Nghĩa pà git, PowerChina neh lơh rlau 2 rbô kơi sồ gùng rơndeh ồs tàm dunia, geh mờng chài lơh rlau 100 rơndap broă lơh tàm lơgar Việt Nam, tŭ lơi kung rơcang lơh broă bal mờ 4 mpồl lơh sa kă bro Việt Nam nàng lam lơh ală gùng rơndeh ồs kuơmàng.