Ala măt mpồl lơh broă ki ngàm jàu 25 bơnah phan pà ală cau geh màng mờ dà lơgar, hìu bơnhă dờp bơta dong kờl mpồl bơtiàn, kwang bàng, kông cưk viên cưk, cau lơh broă tàm Tiah tềl lời wơl, Tổng Ƀí thư ồng Tô Lâm tơlik nùs nhơm chờ hờp rê còp ƀòn tờm di dơ̆ tơngkah kir sơnrai 135 nam Ngai deh Củ tịc Hồ Chí Minh nàng bal mờ gơ̆p kah wơl bơhiàn kah yau pơnrơ ngan bơh jơi bơtiàn dê mờ kah kơlôi ală dà kơlhề dờng ngan Wa dê gơ wèt mờ ƀòn lơgar Dà lơgar mờ càr Nghệ An.

Jờng rơ ngan bơta lơh sa mpồl bơtiàn ù tiah càr càr đơs bal mờ rài kis kwang bàng cau lơh phan cau lơh broă Tiah tềl lời wơl dê sùm geh yờ tơngguh, bulah bè hơ̆, Tổng Ƀí thư kung đơs nền, Đảng mờ Dà lơgar rơ̆p sùm sền gròi trăng gàr ai ală hìu bơnhă dờp bơta dong kờl mpồl bơtiàn dê, hìu rƀah, hìu bơnhă ală cau geh màng mờ dà lơgar nàng geh rài kis ngai sơlơ niam rlau bal mờ nùs nhơm ờ cau lơi gơtìp lời ơm wơl hờ ngkời.