Đơs tàm pơrjum, Tổng Ƀí thư ồng Tô Lâm đơs sùm, mpồl Kwang àng làng bol pal sùm lơh pràn bơsram, lơh jăt bồ tơngoh, nùs nhơm, broă lơh Hồ Chí Minh dê, lơh jăt geh cồng nha 06 bơta Wa Hồ dê bơto Kwang àng làng bol. Tổng Ƀí thư đơs loh, nàng broă bơsram, lơh jăt Wa Hồ lơh geh cồng nha ngan ngồn, jơh gùt mpồl Kwang àng làng bol, tơl kâp ủy, đơng lam, sồr lơh, kwang bàng, cau ling neh lơh ngan rao, pal pơn jăt tai lơh ngan, pơnđơl pràn rlau tai.

Tam gơl pa pràn kơldang bồ tơngoh kơlôi sơnơng, bơta mờng kwèng lơh broă, broă rơndăp lơh broă, lơh sir jak ngan tơl kơnòl broă geh jàu, bal mờ jơh gùt Đảng, gùt làng bol, gùt ling klàng “bơ̆t bơtàu dùl lơgar Việt Nam ring lơngai, tơrgùm dùl, lơngăp lơngai is, làng bol lơh tờm, pas pràn, pơgồp bơnah dipal tàm broă lơh kăc màng dunia dê” bè jơnau kơ̆p kờñ sùm bơh Củ tịc Hồ Chí Minh dê mờ bơta kơ̆p kờñ gơn kơnờm sùm bơh jơi gùt jơi bơtiàn dê.