Tàm dơ̆ wă, Tổng Ƀí thư ồng Tô Lâm đơs nền Việt Nam sùm sền gròi mờ kơ̆p kờñ tơngguh gĭt gơ̆p lơh bơyô mờ lơh broă bal uă bơta mờ lơgar Thái Lan, lơgar ơm rềp bal rềp mềl, geh gĭt gơ̆p jŏ rài, mơkung là cau lơh broă bal kă bro phan mờ bơcri priă kwơmàng khà dùl lơgar Việt Nam dê.

Tổng Ƀí thư ồng Tô Lâm đơs sùm bàr pe broă tờm ai lơh broă bal Việt Nam mờ Thái Lan in tơngai tus: Sồr 2 đah pơn jăt tai lơh kơ̆ kơl jăp bơta pin dờn cíñ trị bơh chồl tơngguh lơh broă bal tàm jơh ală gah Đảng, Dà lơgar mờ tìp măt lơh kwèng bal làng bol, sùm tàm pơgol mpồl, tìp măt kâp dờng mờ ală kâp; lơh sùm geh cồng nha broă lơh pơrjum Cíñ phủ bal mờ ală broă lơh broă bal 2 gah gam geh tŭ do đah 2 lơgar kung bè kơlôi sơnơng tơngguh ală broă lơh broă bal gơguh tus kâp dờng rlau mờ lơh ală broă lơh broă bal pa.