Tổng Ƀí thư ồng Tô Lâm tơlik nùs nhơm chờ hờp tềng đăp ală cồng nha niam ngan tàm gĭt gơ̆p đah 2 đảng, 2 lơgar tơngai lài, tàm hơ̆ geh dơ̆ lòt còp bơh Thủ tướng Cíñ phủ ồng Phạm Minh Chính dê tus lơgar Kộng hoà Dominica nhai 11 pa do. Tổng Ƀí thư ồng Tô Lâm đơs nền Việt Nam kơ̆p kờñ pơn jăt tai tơngguh tai bơta gĭt gơ̆p lơh bơyô bal, lơh broă bal mờ Kộng hoà Dominica, tài bơta kwơ làng bol bàr lơgar dê, tài ring lơngai, kơ̆ kơl jăp mờ bơtàu tơngguh tàm kơnhoàl ù tiah do mờ tàm dunia.

Tổng Ƀí thư ồng Miguel Mejia đơs nền rơ̆p lơh ngan lơh kơ̆ kơl jăp wơl bơta pin dờn cíñ trị đah Đảng Srơh Đah ma tơrgùm dùl mờ ală Đảng cíñ trị dờng tàm lơgar Dominica mờ Đảng Kộng sản Việt Nam; hơ kờñ Việt Nam tàm ală broă ală lơgar mờ tàm ală cribơyai uă gah mờ jơh bal 2 lơgar là lơgar tàm mpồl.