Ala mat ală kwang đơng lam bồ Đảng, Dà lơgar, pơyoa jơnau lùp còp jơh nùs, bơta kah ưn ngài uă ngan mờ ală nùs nhơm jơh nùs ngan rlau jơh tus mờ jơh gùt cau ling yau, ơruh pơnu lam lài lài do, ling klàng làngb bol sền gàr is, ală Mè Việt Nam khin cha jak chài, ală hìu bơnhă geh màng mờ Dà lơgar, mờ ală oh mi cau ling sồt să, cau ling kòp tê jê să, hìu bơnhă cau ling chơ̆t màng tàm jơh gùt lơgar.

 Tổng Ƀí thư đơs nền, Tam lơh pha lin kàl prang nam pa 1975 ờ mìng cèng pơrya gơtha kah yau gơwèt mờ jơi bơtiàn Việt Nam lơm mờ gam là gơnoar broă tàm rài dê, pơn jờng pràn kơl dang srơh tam lơh tơngklàs jơi bơtiàn tàm jơh gùt dunia dê. Hơ̆ là pha lin dờng bơh nùs nhơm kờñ gơboh Dà lơgar uă ngan, bơh mpồl tam klăc dờng jơh gùt jơi bơtiàn. Hơ̆ là pha lin bơh gĭt nđờ tơlak nă cau kòn barah barài mơya dờng màng ngan, crăp rcang tă pơgồp rơnàng kơnòm să, geh tŭ jơh bal mờ màng kis he dê ai Dà lơgar in geh ring lơngai mờ tơrgùm dùl, ai jơi bơtiàn in geh lơngăp lơngai is.

Tổng Ƀí thư đơs nền: Đảng, Dà lơgar sùm sền dờng màng broă lơh “Kis gĭt jơnau gĭt adat” ală broă lơh adat boh lam dong kờl cau geh màng mờ Dà lơgar sùm lơh sir, ngai sơlơ lơh dồ ròt bal, nùs nhơm niam kòn bơnus dê mờ rềp mờ bơta geh ngan.