Tơnơ̆ rlau 2 nhai lam lơh, neh geh mờr 1 rbô jơnau cih tus bal pơrlòng bơh ală cau cih sră, cau lơh broă gah niam chài đơs crih tamya, kwang bàng, cau ling tàm ală pôs ling sền gàr tiah nhàr dà lơgar, Gah đơng lam mờ ală hìu bơsram tàm càr tus bal.

Jat Mpồl bơyai lơh, ală jơnau cih tus bal pơrlòng geh bơta niam uă, ai tơnggŏ niam, ngoh rơngac ngan rùp hin cau ling sền gàr tiah nhàr dà lơgar ngai mang at kơ̆ ngkơr phàu sền gàr gơnoar tờm, lơngăp lơngai tiah nhàr lơgar, mờ kung là ală cau đềt mềr mờ làng bol ală jơi bơtiàn. Sơrlèt rlau mờr 1 rbô jơnau cih tus bal pơrlòng bơh ală cau cih ờ mờng chài mờ mờng chài tàm càr dê, oh Dương Thị Hải Như, kơnòm bơsram ơdŭ 8G, Hìu bơsram kâp 2 Trưng Vương, ƀòn dờng Buôn Ma Thuột neh jak ngan ai geh khà dùl dơ̆ pơrlòng mờ jơnau cih “Pơyua plai nùs tiah nhàr dà lơgar kòn dê”.