VOV.K’Ho- Ngai 17/6, ồng Lê Minh Tiến, Lam bồ Tiah prap gàr brê bơnơm Ea Sô, càr Dăk Lăk pà gĭt, pa cih dờp bơta geh mat bơh mpồl gơbai (kơnrồ brê) tàm tiah prap gàr.

VOV.K'Ho- Tơngkah kir sơnrai 101 nam Ngai Sră ƀăo Kăc màng Việt Nam (21/6), mho ngai 16/6 tàm Hìu duh broă Chủ tịch, ồng Tô Lâm, Tổng Bí thư, Chủ tịch lơgar neh geh dơ̆ tìp măt đềt mềr 101 nă cau lơh ƀăo pơnrơ ngan lơh geh Khà jờng Sră ƀăo Dà lơgar bơh ală nam bal mờ bàr pe nă cau lơh ƀăo jŏ sơnam.

VOV.K'Ho- Ngai 16/6, tàm Hìu Quốc hội, ồng Trần Thanh Mẫn, Chủ tịch Quốc hội wă ồng Bodo Ramelow, Phó Chủ tịch Quốc hội lơgar Kộng hoà ală ƀang Đức còp ngan ngồn Việt Nam.

VOV.K'Ho- Ngai 16/6, Anih duh broă Làng bol càr Dăk Lăk bơyai lơh Pơrjum mìng dùl tơngume tơngguh uă cồng nha lơh tam gơl wơl sră pơ àr gơnoar ătbồ, lơh niam wơl tiah bơcri priă kă bro drơng bơtàu tơngguh lơh sa – mpồl bơtiàn in nam 2026.

VOV.K’Ho- Mho òr (16/06), ồng Lê Minh Hưng, Thủ tướng Chính phủ mờ Mpồl cau ala mat kâp dờng lơgar Việt Nam neh tus ƀlàng rơndeh par ală lơgar Kazan tàm ƀòn dờng Kazan bơh lơgar Nga dê, sơn đờm broă lơh tus bal Pơrjum kâp dờng tơngkah kir sơnrai 35 nam git gơp đah ASEAN mờ Nga mờ geh ală broă lơh 2 gah jat jơnau jà bơh ồng Vladimir Putin – Kwang atbồ lơgar Nga dê.

VOV.K'Ho- Drim òr (16/06), Anih duh broă Làng bol càr Dăk Lăk bơyai lơh Jào khà jờng Sră ƀăo càr Dăk Lăk dơ̆ 6 nam 2025 mờ lam Pơrlòng Sră ƀăo càr Dăk Lăk dơ̆ 7 nam 2026.

VOV.K’Ho- Dờp jơnau jà bơh Kwang atbồ lơgar Ală ƀang Nga ồng Vladimir Putin, ồng Lê Minh Hưng, Thủ tướng Chính phủ mờ Mpồl cau ala măt kấp dờng lơgar Việt Nam lòt gùng tus bal Pơrjum kấp dờng tơnkah 35 nam gĭt gơ̆p Asean mờ Nga mờ lơh ală broă lơh đah 2 gah tàm ƀòn dờng Kazan, lơgar Nga bơh ngai 16 tus ngai 18 nhai 6.

VOV.K’Ho- Ngai òr (16/06), tàm Hìu Quốc hội, Anih duh broă lơh kơnòl broă Sùm Quốc hội bơyai lơh Pơrjum lơh jăt Gùng dà lơh adăt boh lam tơngai lơh broă Quốc hội khoă XVI.

VOV.K’Ho- Càr Khánh Hoà gam tàm ntoăt pơrlòng mờ tŭ tơngai nàng lơh sir jàu mat ù drơng broă lơh Rơndăp broă lơh Hìu măi Đèng hạt ñân Ninh Thuận 1 mờ 2 tàm tơngai 30/6/2026 jat jơnau sồr bơh Thủ tướng Chính phủ dê.

VOV.K’Ho- Mho òr (15/06), Mpồl duh broă Làng bol càr Gia Lai khoă XIII, tơngai lơh broă bơh nam 2026 tus nm 2031 bơyai lơh Dơ̆ pơrjum dơ̆ 4 (mìng dùl tơngume), ring bal uă jơnau lơh nền tàm pơrjum kuơmàng bè bơtàu tơnguh lơh sa - mpồl bơtiàn, mờ kung sền swì ală cồng nha mờ kal ke tơnơ̆ 1 nam lơh broă broă lơh gơnoar atbồ ƀòn lơgar 2 kâp.