Tàm Pơrjum, ală cau ala măt lơh jăt Jơnau lơh nền tàm pơrjum sồ 1516 bơh Thủ tướng Chính phủ tơlik ngai 10 nhai 8 nam 2026 dê, ai tơngŏ broă tam dră mờ lơh IUU dê là kơnòl chính trị kwơ màng ngan, jal mhar, pơgồp bal mờ bơngă pin dờn dà lơgar dê, gơnoar kwơ bơh cau lơh ka, broă tăc mờ lơgar bơdìh bơh mpồl lơh sa kă bro mờ jơnau kờñ bơtàu tơnguh kơl jăp gah phan tàm dà dê.

Broă rơndăp lơh geh 46 kơnòl broă. Nhai lik lơh broă uă tam dră mờ lơh IUU geh lơh tàm gùt lơgar bơh ngai 15 nhai 8 tus ngai 15 nhai 9 nam 2026. Đơs tàm Pơrjum, ồng Võ Văn Hưng, Thứ trưởng Bộ Broă lơh sa suơn sre mờ Tiah ơm kis, Phó Kwang Lam bồ Mpồl sồr lơh dà lơgar dê bè IUU đơs nền, broă Thủ tướng Chính phủ ai ngui Jơnau lơh nền sồ 1516 neh ai tơngŏ broă tam dră mờ lơh IUU mờ bơsong jơnau yal “sră rơmit” EC dê là kơnòl broă chính trị kwơ màng ngan, pơgồp bal mờ bơngă pin dờn bơh dà lơgar dê mờ broă bơtàu tơnguh kơl jăp bơh gah lơh phan tàm dà lơgar Việt Nam dê.