Jơnau đơs pơn dŭt dơ̆ pơrjum, ồng Lê Tiến Châu, Phó Thủ tướng Chính phủ đơs nền do là gùng dà broă lơh di pal ngan bơh Bộ Chính trị, Chính phủ dê neh lơh di tŭ mờ ală càr, ƀòn dờng nàng ai tơngŏ nùs nhơm geh kơnòl.

Ai ngui hìu bơsram tàm ngai 05 nhai 9 là kơnòl broă chính trị, ờ tơrmù, ală Bộ, gah lơh broă dà lơgar, ală càr, ƀòn dờng gơrềng bal pal dờp kơnòl chính trị bè broă lơh, bơta kơl jăp mờ lơngăp lơngai broă lơh. Ală càr, ƀòn dờng pal sền wơl jơh khà broă lơh, tơnguh cau lơh, lơh gơs ală broă lơh geh kwơ bè hìu cau atbồ, hìu sa, tiah jă brê, ồs đèng, dà, broă lơh kơrian mờ crùh ồs sa nàng gàr niam broă wă kơnòm bơsram mŭt bơsram.