VOV.K'Ho- Mho òr (10/02), tàm sơnah ƀòn Quy Nhơn, càr Gia Lai, ồng Trịnh Văn Quyết, Kwang bàng Ƀộ Cíñ trị, Kwang lam bồ Mpồl mblàng yal, bơto bơtê mờ Hòi jà làng bol Dà lơgar đơng lam dơ̆ lơh broă, jat sền, lòt sền broă lơh rcang ai dơ̆ tĕ khà cau ala mat Quôk hội khoă 16 mờ cau ala mat Mpồl duh broă Làng bol ală kấp tơngai lơh broă bơh nam 2026–2031.

VOV.K’Ho- Mho òr (10/02), Thủ tướng Cíñ phủ ồng Phạm Minh Chính neh cri bơyai tàm điện thoại mờ Thủ tướng Singapore ồng Lawrence Wong nàng kờñ cribơyai bè gùng dà broă lơh sơlơ tơnguh tai lơh broă bal đah 2 lơgar.

VOV.K’Ho- Mho òr (09/02), Kwang atbồ càr Mondulkiri, lơgar Campuchia ồng Thang Sa Vun lòt còp, nting bơr sa tềp càr Dăk Lăk di dơ̆ sa tềp bơhiàn dà lơgar Việt Nam.

VOV.K'Ho- Broă lơh “Sơnam pa Sền gàr nhàr lơgar ram nùs làng bol ƀòn lơgar” bơh Cau ling Sền gàr Nhàr lơgar càr Quảng Ngãi pơgồp bal bơyai lơh neh cèng kàl prang sơnam pa tus mờ làng bol ală jơi bơtiàn tiah nhàr lơgar càr Quảng Ngãi. Broă lơh bơyai lơh kham kòp, pà sơnơm, pà phan pà Sa tềp, tìp măt lơh kwèng đơs crih tam ya bềng lìu nùs nhơm tam klăc bal ling klàng mờ làng bol tiah nhàr lơgar.

VOV.K'Ho- Drim òr (10/02), Đại tướng Trịnh Văn Quyết, kwang lam bồ Mpồl mblàng yal Bơto bơtê mờ Hòi jà làng bol Dà lơgar bal mờ Mpồl lơh broă bơh Mpồl duh broă Tĕ khà Dà lơgar neh jăt sền, sền gròi broă rơcang tĕ khà cau ala măt Quốk hội khoă XVI mờ cau ala măt Mpồl duh broă Làng bol ală kấp tơngai lơh broă bơh nam 2026 tus 2031 tàm càr Quảng Ngãi.

VOV.K'Ho- Tổng Ƀí thư ồng Tô Lâm neh tus chu ñàng, pơdơng bơkào tơnkah ală Kwang đơng lam lài do bơh Đảng dê bal mờ ală cau ling khin cha jăk chài tàm Hưng Yên mờ Bắc Ninh.

VOV.K’Ho – Tàm tơngume broă lơh “Nam pa cau ling” nam 2026, tàm sàh tiah nhàr lơgar Quảng Trực, càr Lâm Đồng, Ling tiah 7 pơgồp bal mờ Anih duh broă làng bol càr Lâm Đồng sơn đờm lam lơh anih làng bol ơm kis rềp anih ơm gak ling klàng làng bol tàm tiah nhàr lơgar.

VOV.K’Ho- Ngai òr (10/02), tàm sàh Cẩm Thạch, càr Thanh Hoá, Thủ tướng ồng Phạm Minh Chính neh tus bal Dơ̆ sơnđờm mut lơh rơndăp broă lơh Hìu bơsram kấp 1 Cẩm Thạch mờ còp, pà phan sa tềp ai hìu bơnhă rƀah, hìu bơnhă geh rài kis kal ke, cau lơh phan, cau lơh broă tàm ù tiah càr Thanh Hoá.

VOV.K’Ho- Tàm pơrjum tàm bơyai dơ̆ 3 geh bơyai lơh drim ngai 10/2, Anih duh broă Mặt trận dà lơgar Việt Nam càr Dăk Lăk neh ring bal lơh nền mat ală cau tơl ală bơta tơlik mat tĕ khà cau ala mat Quôk hội khoă 16 mờ cau ala mat Mpồl duh broă Làng bol càr Dăk Lăk khoă 11, tơngai lơh broă bơh nam 2026-2031.

VOV.K'Ho- Tàm Hà Nội, Hìu bơsram kơlôi sơnơng Cíñ trị dà lơgar Hồ Chí Minh pơgồp bal mờ Sră ƀăo Kộng sản, Anih kơlôi sơnơng Jak chài mờ Mpồl bơtiàn Việt Nam, Mpồl duh broă Cribơyai jơnau tàm sră pơ àr Dà lơgar bơyai lơh Pơrjum cribơyai jak chài dà lơgar “Ală broă lơh bơsong ai Jơnau lơh nền tàm pơrjum bơh Pơrjum dờng XIV Đảng dê mŭt tàm rài kis”. Pơrjum cribơyai nàng kờñ gĭt nền loh rlau broă rơndăp lơh, pơlam gùng, tơngume mờ sồr geh ală broă lơh bơsong dipal mờ bơta geh ngan, bềng bơta jak chài, pơgồp bơnah ai Jơnau lơh nền tàm pơrjum bơh Pơrjum dờng XIV Đảng dê mŭt tàm rài kis.