VOV.K’Ho- Mho ngai 11/6, tàm Hà Nội, ồng Lê Minh Hưng- Thủ tướng Chính phủ lơh broă mờ Mpồl Lơh kơnòl broă sùm Thành ủy ƀòn dờng Hà Nội bè bơta lơh jat kơnòl broă bơtàu tơnguh lơh sa- mpồl bơtiàn, jơnau kờñ gơguh tai “2 nơm khà”.

VOV.K’Ho- Dăk Lăk jơh nùs lơh ngan mut tàm mpồl 15 càr, ƀòn dờng bè tam gơl pa, bơceh lơh.

VOV.K'Ho- Ồng Tạ Hồng Quang, kwang bàng Tỉnh uỷ, Bí thư Đảng ủy, Chủ tịch Mpồl duh broă Làng bol sơnah ƀòn Nha Trang geh ntrờn, pồ at gơnoar broă Kwang Lam bồ Mpồl pơgồp jơnau đơs mờ Dong broă Tỉnh ủy càr Khánh Hoà.

VOV.K'Ho- Mho òr (11/06), tàm Hà Nội, Mpồl Tă pơgồp jơnau đơs mờ dong broă Dà lơgar bơyai lơh pơrjum tơn jơh lơh broă bơh Mpồl Sồr lơh tam gơl wơl sền gàr adăt boh lam Dà lơgar bơh tŭ tơnggơs tus tŭ do mờ jờng rơ pơn jờng ală mpồl lơh broă, cau dùl nă să geh cồng nha jăk ngan tàm broă lơh niam adăt boh lam.

VOV.K’Ho - Tơnơ̆ mờr 1 nam lam lơh srơh “Làng bol bơsram sồ” hơ̆ là bơsram tơn jơh bơta ờ gĭt măy mŏk, càr Lâm Đồng neh cih dờp uă cồng nha niam ngan tàm tơnguh jơnau git wă mờ bơta chài ngui măi mok sồ ai làng bol in, pơgồp bơnah chồl tơnguh tam gơl sồ tơl làm.

VOV.K'Ho- Uă nam do, ală mpồl cau pơlơ̆ dră kis tàm lơgar bơdìh sùm sơgràm mờ broă jơi bơtiàn, jăt yàng nàng tam dră lơh aniai tàm Tây Nguyên. Tơnơ̆ mờ ală mpồl bè “Tin lành Đêgar”, “yàng tìs (hơ̆ là yàng ờ ngan) Hà Mòn”, “Mè yàng trồ”, pa do ngan geh tai yàng ờ ngan “Bana Đêgar Kon Plông” nàng hòi jà bơchồt làng bol, đơs ală jơnau pơrlồm lik tam cah is mpồl tam klăc jơi bơtiàn tàm càr Gia Lai. Mờ broă tus bal pràn bơh mpồl lơh broă geh gơnoar bal mờ gùt mpồl lơh broă chính trị dê, tàm nhai 05 nam 2026, Kwang àng càr Gia Lai neh kơrian geh cồng nha mpồl jăt yàng ờ ngan do. Dơ̆ tam dră tàm gah nùs nhơm nàng dong kờl làng bol git wă loh làng nùs nhơm bơh mpồl pơlơ̆ dră yàng ờ ngan dê kung gam geh lơh sùm mờ lơh tơl ƀòn lơgar.

VOV.K’Ho- Ngai 11/6, tàm Hà Nội, Bộ Chính trị, Mpồl đơng lam Đảng dà lơgar bơyai lơh Pơrjum gùt lơgar kơlôi sơnơng, bơsram lơh jat mờ lam lơh jat Jơnau lơh nền tàm pơrjum sồ 06 bơh Bộ Chính trị dê bè lam lơh gùng dà broă lơh lơh broă mờ lơgar ndai Pơrjum dờng dơ̆ XIV Đảng dê.

VOV.K'Ho- Kwang bàng Mpồl Lơh kơnòl broă sùm Anih duh broă Đơng lam Đảng Dà lơgar Mpồl Cau lơh ƀăo Việt Nam ồng Phạm Mạnh Hùng geh pồ lơh tai Chủ tịch Ală Mpồl Cau lơh ƀăo Anih jơnau đơs Việt Nam tơngai lơh broă bơh nam 2026-2031.

VOV.K’Ho- Càr Gia Lai gam lơh ngan lam lơh “Broă lơh 500 ngai mang lơh pràn lơh jat broă lòt sền, tơrgùm wơl mờ sền gĭt mat ƀồc ntìng cau ling chơ̆t màng” mờ jơnau kờñ lòt jòi, tơrgùm wơl 390 ƀồc ntìng cau ling chơ̆t màng mờ ai mẫu ADN gơwèt mờ mờr 12 rơbô bơtô ƀồc cau ling chơ̆t màng ờ hềt gĭt muh mat.

VOV.K’Ho- Drim ngai 11/6, rlau 35 rơbô nă kơnòm pơrlòng càr Dăk Lăk mut tàm ngai pơrlòng sơn rờp bơh dơ̆ pơrlòng jơh bơsram kấp pe nam 2026. Tơn jơh 120 phuk tŭ jiơ cih jơnau pơrlòng môn Ngữ văn ƀùi drim, uă ngan kơnòm pơrlòng lik bơh cơldŭ pơrlòng mờ nùs nhơm chờ hờp mờ pin dờn. Uă kơnòm pơrlòng đơs là jơnau pơrlòng jat tàm jơnau bơsram, bơnah sền wă ƀuơn đau sơl mờ jơnau sồr cih jơnau neh lơh geh bơta nrơ̆t gơwèt mờ ờ dồ ết kơnòm pơrlòng dê.