Wă ồng Tô Lâm, Tổng Bí thư, Chủ tịch lơgar bal mờ mpồl cau ala mat kâp dờng lơgar Việt Nam tàm ƀlàng rơndeh par ală lơgar Canberra geh ala mat bơh Kwang atbồ lơgar Australia ồng Jeff Barnes, ala mat Thủ tướng lơgar Australia dê, Ƀộ trưởng drơng kơnòl phan kuơ geh is, Ƀộ trưởng drơng kơnòl tiah đah tô lơgar Australia mò Madeleine King, Phó Kong kơnòl Cơldŭ lơh broă Thủ tướng mờ Chính phủ ồng Justin Hayhurst, Kwang atbồ Anih lơh broă ala mat lơgar Australia tàm Việt Nam ồng Gillian Bird.

Tơngume tờm bơh dơ̆ lòt còp dê là pơn jat tai gàr kơ̆ mờ tơnguh bơta pin dờn chính trị tàm kâp dờng ngan rlau jơh, lơh gơlik bơta pràn chồl tơnguh pa ai broă lam lơh jat geh cồng nha tơngume Lơh broă bal jŏ jòng tơl làm, mờ kung pơlam gùng ală gah lơh broă bal lài tàm tơngai tus. Dơ̆ lòt còp kung là broă lam lơh kuơmàng gùng dà lơh broă mờ lơgar ndai geh ring bal tàm Pơrjum dờng cau ala mat gùt lơgar dơ̆ 14 Đảng dê, pơgồp bơnah lơh ngan ngồn jơnau lơh nền ai bơta git gơp mờ ală lơgar lơh broă bal jŏ jòng tơl làm gơ bơtàu tơnguh, ngan ngồn, geh cồng nha mờ kơ̆ kơljap jŏ jòng sùm.