Ồng Tô Lâm, Tổng Bí thư, Chủ tịch  lơgar đơs sùm, anih cribơyai là dùl jơnau bơceh lơh geh kuơ dờng màng ngan tàm tŭ tơngai Bơta git gơp lơh broă bal jŏ jòng tơl làm đah Việt Nam mờ Australia gam bơtàu tơnguh niam ngan, ngai sơlơ niam, ngan ngồn mờ geh cồng nha, ngan là tàm ală gah rơp lơh nền tus pràn jak tàm pơrlòng mờ bơta bơtàu tơnguh tơl lơgar dê tàm nđờ jơt nam tus. 

Ồng Tô Lâm, Tổng Bí thư, Chủ tịch lơgar pà git, gơwèt mờ Việt Nam, bơtàu tơnguh jak chài, măi mok, tam gơl pa bơceh lơh mờ cau lơh broă geh bơta niam uă ờ gam mìng là dùl bơta sac rơ wah, mờ neh gơ gơs là jơnau sồr pal geh nàng lam lơh jat bơta kơp kờñ gơ gơs dà lơgar bơtàu tơnguh, geh priă jền lơh geh uă tàm nam 2045. Bè hơ̆ den tàng, Đảng, Dà lơgar Việt Nam neh bơt bơtàu broă lơh tơrlòng lài bơtàu tơnguh pa, tàm hơ̆ bồ tơngoh bơsram sră, jak chài, măi mok, tam gơl pa bơceh lơh, tam gơl sồ mờ mut gơ rờm bal ală lơgar geh git nền là ală bơta gơn kơnờm gơguh tai tờm ngan rài lơh sa dê.