Mpồl duh broă Đảng dà lơgar, Quốc hội, Chủ tịch lơgar, Chính phủ mờ Anih duh broă Mặt trận Dà lơgar Việt Nam pa ai jơnau yal is ồn: ồng Saysomphone Phomvihane, Kwang bàng Bộ Chính trị Đảng Làng bol Cách mạng Lào, Chủ tịch Quốc hội lơgar Cộng hòa Dân chủ Nhân dân Lào, neh sang rài tàm ngai 08/08/2026, kis jŏ 70 sơnam.

Nàng tơngŏ nùs nhơm pơlai soh ồng Saysomphone Phomvihane mờ geh bơh bơta gĭt gơ̆p is ồn Việt Nam mờ Lào, Mpồl Duh broă Đảng Cộng sản lơgar Việt Nam, Quốc hội lơgar Cộng hoà xã hội Chủ nghĩa Việt Nam, Chủ tịch lơgar Cộng hoà xã hội chủ nghĩa Việt Nam, Chính phủ lơgar Cộng hoà xã hội Chủ nghĩa Việt Nam mờ Anih duh broă Mặt trận Dà lơgar Việt Nam lơh nền lời ies tơ̆p ƀồc ồng Saysomphone Phomvihane jat broă lơh Dà lơgar ies tơ̆p ƀồc tàm 2 ngai, bơh ngai 10 tus ngai 11/8/2026. Tàm tơngai dà lơgar ies tơ̆p ƀồc, ală anih lơh broă, tiah lơh broă dà lơgar tàm gùt lơgar mờ anih lơh broă ala mat lơgar Việt Nam tàm lơgar ndai yồng ƀồng bi gơ jrùh, cèng biài ies tơ̆p ƀồc mờ ơm jơh ală broă lơh nhơl chờ, lơh rài bồ tơngoh mpồl bơtiàn.