Tàm pơrjum, rơnàng kơnòm să càr Gia Lai sồr đơs uă broă lơh gơrềng tus broă lơh, sơnđờm mut lơh broă, tam gơl sồ mờ bơtàu tơnguh lòt nhơl. Ală jơnau đơs tơrgùm tàm gơ hòi gơ jà mpồl lơh broă công nghệ thông tin rê tàm tiah kal ke; lơh geh broă lơh tàm dùl bă tiah, rề ơnàng priă càn dong kờl ờ sa priă cồng uă ai ơruh pơpnu sơnđờm mut lơh broă in; bơtàu tơnguh lòt nhơl brê - dà lềng; tam gơl sồ tàm lơh sa broă lơh sa suơn sre mờ prap gàr ù tiah niam chài cing mồng pơgồp bal mờ broă lơh kơ̆ kơl jăp.

Bàr pe jơnau sồr đơs ngui anih lơh broă sră pơ àr gơnoar atbồ jơng kah nàng dong kờl ơruh pơnu sơnđờm mut lơh broă. Ồng Phạm Anh Tuấn, Chủ tịch Anih duh broă Làng bol càr Gia Lai sồr ơruh pơnu lơh jat niam gơnoar lam lài tàm jak chài- măi mok, tam gơl sồ, rcang lài lơh tờm măi mok pa, tàm hơ̆ geh bồ tơngoh jak kòn bơnus lơh gơlik; mơkung khin cha sơnđờm mut lơh broă, ngui geh cồng nha ală bơta kwơ “Tiah kơh bơnơm - jat kềng gah dà lềng - tiah nhàr lơgar - anih ơhò ơm dà lềng”.