Do là dơ̆ lòt còp sơn rờp bơh ồng Tô Lâm, Tổng Bí thư, Chủ tịch lơgar dê tus mờ 2 lơgar tàm gơnoar broă pa, kung là dơ̆ lòt còp sơn rờp bơh đơng lam bồ tờm lơgar he dê tơnơ̆ tŭ Việt Nam tơnguh bơta gĭt gơ̆p gơguh tus Tam klăc lơh broă bal Kwơ màng Tơl làm mờ lơgar Australia mờ New Zealand.

Dơ̆ lòt còp nàng kờñ lơh ngan ngồn gùng dà broă lơh lơh broă mờ lơgar ndai bơh Pơrjum dờng Đảng gùt lơgar dơ̆ XIV, pơgồp bơnah lam bơta gĭt gơ̆p mờ ală lơgar lơh broă bal gơ lòt mut tàm bơta jrô ơnàng làm uă, ngan ngồn mờ kơnhăp kơ̆. Tờm ngan bơh dơ̆ lòt còp dê là lơh kơ̆ kơl jăp bơta pin dờn chính trị tàm kấp dờng ngan rlau jơh, lơh geh bơta pràn lam lài pa lam lơh tàm tơngume Tam klăc lơh broă bal kwơ màng Tơl làm mờ pơlam gùng dà ală ai lơh lài lơh broă bal tàm tơngai tus. Mờ do kung là dơ̆ nàng đơng lam bồ ală gah in cribơyai bè ală broă tàm tiah do mờ ală lơgar sền gròi bal; sơlơ tơnguh tai pơgồp bal tàm ală broă lơh uă lơgar, pơgồp bơnah ai ring lơngai, kơ̆ kơl jăp mờ bơtàu tơnguh kơnhăp kơ̆ tàm tiah đah Jum Thái Bình Dương kung bè tàm dunia.