Rơndap broă lơh ơnàng rlau 313 lồ, lam lơh 3 tŭ tơngai; is ồn tơngai dơ̆ 1 ơnàng rlau 66 lồ, priă bơcri lơh 802 tơmàn đong. Tơnơ̆ rlau 3 nhai sơn đờm lam lơh, khà broă lam lơh mìng rơp pa geh mờr 13,3% broă rơndap lơh; uă bơnah broă lơyài tơngai hơ pơrgon, sră nggal lam lơh, jơnau yal mờ bàr pe jơnau sồr bè bơcri priă, bơt bơtàu, tiah ơm kis gam ờ niam.

Chủ tịch Anih duh broă Làng bol càr Dăk Lăk ồng Đỗ Hữu Huy sồr cau tờm bơcri priă lơh tơrgùm priă jền, ai lài lơh sir phan bơna bơt bơtàu pal geh, gàr kơ̆ Mpồl atbồ rơndap broă lơh mờ ai tơnggŏ tơngai hơ pơrgon mờ khà broă mùl màl. Chủ tịch Anih duh broă Làng bol càr đơs sùm: Pal git nền ală bơnah broă lơh lài, êt ngan den bè gùng lòt, lơh đèng, dà, gùng bơkang pal gàr tơngai hơ pơrgon nàng ală cau bơcri priă tơnơ̆ in mut ơpah.