Cih tàm sră ies, ồng Lê Minh Hưng, Thủ tướng Chính phủ cih: “Jơh nùs pơlai soh ngan ồng Saysomphone Phomvihane, Kwang bàng Bộ Chính trị, Chủ tịch Quốc hội lơgar Cộng hòa Dân chủ Nhân dân Lào, cau đơng lam bồ jơh nùs jơh tồr, cau oh mi đềt mềr, cau bơyô rềp mềr jơh nùs bơh Đảng, Chính phủ mờ Làng bol Việt Nam dê.

Ồng sùm ai nùs nhơm jrô ơnàng làm uă mờ geh uă tă pơgồp jơh nùs tàm broă bơt bơtàu, bơtàu tơnguh bơta gĭt gơ̆p lơh bơyô bal dờng màng, tam klăc is ồn, lơh broă bal tơl làm, pơgồp bal mờ kwơ màng Việt Nam mờ Lào. Bơta sang rài bơh ồng Saysomphone Phomvihane ờ mìng là roh rui dờng ngan gơwèt mờ Đảng, Dà lơgar mờ Làng bol Lào oh mi lơm, mơkung là hoàc huơr dờng ngan bơh Đảng, Dà lơgar mờ Làng bol Việt Nam dê”.