Ală rơndap broă lơh uă ngan là lơh broă tàm gah lơh sa mờ măi mok lơh gơlik phan, crăp mòn phan, lơh sa mờ măi mok dong kờl, lơh gơlik phan sa, phan siam phan ròng mờ ròng phan. Tàm kờp jơh 25 lơgar, kơnhoàl ù tiah geh rơndap broă lơh bơcri priă tơn bơh lơgar ndai tàm càr Gia Lai, Lo tŭ do ơm dơ̆ 5 bè kờp jơh priă bơcri.

Do geh sền là dùl tàm ală bơnah priă bơcri ală lơgar pơgồp bơnah bơ tơl priă jền ai bơtàu tơnguh lơh sa mờ măi mok, lơh gơlik phan mờ tơnguh priă lơh geh phan bơna càr Gia Lai dê in. Broă gơ hòi gơ jà priă bơcri bơh lơgar Lo ờ mìng bơ tơl priă jền ai bơcri bơtàu tơnguh in mờ gam lơh geh tŭ niam dờp măi mok, pờ ơnàng pràn jak lơh gơlik phan mờ mut jrô rlau tai tàm ală mpồl lơh gơlik phan. Do kung là bơta tờm nàng càr Gia Lai in pơn jat tai pơlam gùng gơ hòi gơ jà ală rơndap broă lơh FDI geh măi mok pa, priă lơh geh gơguh tai uă, rềp mềr mờ tiah ơm kis mờ gơtùi lơh gơlik bơta gơn kơnờm ai ală gah lơh sa geh bơta pràn ƀòn lơgar dê in.