Tàm dơ̆ tìp mat cribơyai, 2 nă kwang đơng lam bồ cribơyai mờ ring bal uă bè pơlam gùng dà dờng nàng kờñ ai bơta gĭt gơ̆p đah Việt Nam mờ Australia pơn jat tai bơtàu tơnguh jrô ơnàng làm uă tàm tơngai tus, lơh geh jơnau kờñ bơtàu tơnguh bơh tơl lơgar dê kung bè gơ dờp mờ ală tam gơl bơh ală bơta tàm tiah do mờ ală lơgar.

Bàr nă kwang đơng lam bồ ring bal bơt bơtàu bơnàng jă chính trị bơh sơlơ tơnguh tai tam pơ gơl kwang bàng kấp dờng mờ ală kấp, lơh jrô ơnàng làm uă rlau tai bơta gĭt gơ̆p sền gàr dà lơgar - lơngăp lơngai. Tơnơ̆ dơ̆ tìp mat cribơyai, ồng Tô Lâm, Tổng Bí thư, Chủ tịch lơgar mờ ồng Anthony Albanese, Thủ tướng lơgar Australia neh lơh dơ̆ kĭ hơ bal, cribơyai uă sră nggal lơh broă bal tàm ală gah jak chài- măi mok, tam gơl pa bơceh lơh, lơh sa sồ, bơto bơtê mờ bơsram mờ ală gah ndai.