VOV.K’Ho – Tơnơ̆ dơ̆ pơrjum đah Bộ Bơt bơtàu mờ đơng lam ală càr Gia Lai, Dăk Lăk, Lâm Đồng bè broă rơndap lơh bơcri priă lơh gùng rơndeh lòt mhar Pleiku - Buôn Ma Thuột - Gia Nghĩa, broă lơh gơs dùl gơl gùng lòt pa tơrbŏ bal tiah Tây Nguyên gam dờp geh bơta sền gròi uă ngan bơh gơnoar atbồ ƀòn lơgar mờ làng bol.

VOV.K'Ho- Mìng gam bàr pe ngai tai, rlau 35 rbô nă kơnòm pơrlòng càr Dăk Lăk dê rơ̆p mŭt tàm Dơ̆ pơrlòng jơh bơsram Kâp Pe nam 2026. Bơh ală ơdŭ bơsram wơl bơtơl tai, bơto tai ờ sa priă tus broă sền wơl phan bơna, bơsram tàp cau lơh broă mờ lơh sir ală gùng dà broă rơndăp lơh bơyai lơh pơrlòng, jơh gùt gah bơto bơtê ƀòn lơgar gam sơrbăc mhar lơh sir jơh ală broă rơcăng dŭt ndơl, wèt tus dùl dơ̆ pơrlòng niam lơngăp lơngai, lơh niam mờ ai tơl bơta ƀươn ƀoài ngan rlau jơh ai kơnòm pơrlòng in.

VOV.K'Ho- Mho ngai 4/6, ồng Tô Lâm, Tổng Bí thư, Chủ tịc lơgar đơng lam dơ̆ lơh broă mờ Mpồl Gùng dà broă lơh, Broă rơndăp lơh dờng Dà lơgar dê mờ ală anih lơh broă gơrềng bal bè Ală jơnau neh lơh nền tam gơl pa broă lơh bơtàu tơngguh dà lơgar kơnờm tàm jak chài măy mŏk, tam gơl pa bơceh lơh mờ tam gơl sồ.

VOV.K'Ho- Ngai 4/6, tàm hìu duh broă Chính phủ dê, ồng Hồ Quốc Dũng, Phó Thủ tướng đơng lam dar pơrjum dơ̆ sơnrờp Jơnum lơh broă Cíñ phủ dê bè bơtàu tơngguh măy mŏk kwơmàng mờ lam lơh kơnòl broă bơtàu tơngguh măy mŏk kwơmàng jăt Jơnau lơh nền bơh Thủ tướng Chính phủ dê bè jàu kơnòl broă bơtàu tơngguh măy mŏk kwơmàng.

VOV.K’Ho- Bơh ngai 4 tus ngai 6/6, ồng Phạm Gia Túc - Phó Thủ tướng Duh broă sùm Chính phủ lam bồ mpồl kwang bàng ala mat lơgar Việt Nam còp lơgar ală ƀang Nga mờ tus bal Anih cribơyai Lơh sa Ală lơgar Saint Petersburg dơ̆ 29.

VOV.K'Ho- Mho ngai 4/6, Đảng bộ, gơnoar ătbồ mờ làng bol ală jơi bơtiàn càr Dăk Lăk yŭ rơyùm bơyai lơh dơ̆ còp, dơ̆ ies mờ tơ̆p 27 ƀồc ntìng cau ling chơ̆t màng là ling lơh broă dong kờl is mờ cau gĭt wă jrô lơgar Việt Nam dê phi să tàm lơgar Bơtau Campuchia geh Mpồl K51 jòi bàn tàm kàl prang nam 2025- 2026.

VOV.K'Ho- Drim ngai 4/6, Anih duh broă Làng bol sơnah ƀòn Xuân Trường – Dà Làc, càr Lâm Đồng bơyai lơh lam lơh Broă lơh dờng “Kàl rơlô bơkang sồ” nam 2026 bal mờ tơngume “Broă lơh dờng Kàl rơlô bơkang sồ bal mờ VNeID, pơlam làng bol sồ, lòt bal mờ làng bol lơh jăt Ală jơnau neh lơh nền 06”.

VOV.K'Ho- Ồng Tô Lâm- Tổng Bí thư, Chủ tịch lơgar đơs sùm rơnàng cau lơh phan sùm là mpồl lam lài bơh kăc màng Việt Nam dê, lơh gơlik tơn phan bơna mờ bơt bơtàu bơnàng jă lơh sa Dà lơgar in.

VOV.K’Ho- Sền wơl nam bơsram pa do, uă hìu bơsram bơto bơtê tàm ù tiah càr Lâm Đồng dê neh rcang lài lam lơh broă lơh ring bal nàng ai măi mok mut tàm broă lơh bơto bơtê mờ atbồ, cèng wơl cồng nha ngan ngồn. Mơya, broă tam gơl sồ kung gam uă kal ke kờñ pal pơn jat tai tă bơsong nàng ală cau in ngui geh cồng nha rlau tai.

VOV.K’Ho - Ồng Lê Minh Hưng - Thủ tướng Chính phủ pa wă Bộ trưởng Bộ Cribơyai broă mờ lơgar ndai lơgar Angola ồng Téte António, di dơ̆ lòt còp ngan ngồn lơgar Việt Nam.