Sền swì cồng nha 7 nhai do, Thủ tướng sồr ală kwang geh jơng tàm Chính phủ jat tàm bơta geh ngan mờ tơngume jơnau yal bơh Ƀộ Priă jền, Cơldŭ lơh broă Chính phủ nàng sền swì jrô ơnàng ală cồng nha lơh geh. Dùl tàm ală tơngume tờm dờng geh Thủ tướng sồr lơh tàm dar pơrjum là broă lơh lơh sir kơrnuat boh lam mờ lơh jat ală jơnau lơh nền tàm pơrjum kuơmàng.

Jat hơ̆, lơh mhar tơngai hơ pơrgon lơh sir ală jơnau rơcang cih adat boh lam, jơnau lơh nền tàm pơrjum yal Quốc hội in; mhar ai lơh jat ală sră nggal pơlam lơh jat ală jơnau cih adat boh lam neh geh ai lơh jat ngan ngồn mơya gam lơyài tơngai hơ pơrgon. Bè lam lơh jat jơh nùs Jơnau lơh nền tàm pơrjum sồ 57 Ƀộ Chính trị dê bè tam gơl sồ, Thủ tướng đơs là, tơnơ̆ tŭ Mpồl Sồr lơh Dà lơgar geh pồ tơl bè rơndap tap sèng mờ anih lơh broă duh broă sùm, ală ƀộ, gah broă lơh dà lơgar kờñ pal rơcang lài lam lơh kơnòl broă tàm tơl gah. Tàm hơ̆, bơta tờm là lơh jat mùl màl Jơnau pal jat bơceh lơh hìu đam tơrgùm bal Dà lơgar sồ, lơh sir ală anih yal tơnggit jơnau dà lơgar mờ anih yal jơnau tơnggit mìng dùl gah, bơtàu tơnguh măi mok mờ ală phan bơna măi mok kuơmàng.