Tàm 7 nhai do, càr Khánh Hoà wă rlau 15 tơlak dơ̆ năc lòt nhơl, gơguh mờr 39% pơndrờm dùl tŭ bal mờ nam 2025; tàm hơ̆ năc ală lơgar lơh geh pơgăp 5 tơlak 500 rơbô dơ̆ năc mờ kờp jơh priă lơh geh kờp dŭ rlau 82 rơbô tơmàn đong. Mìng is tàm nhai 7, Festival  Dà lềng Khánh Hòa nam 2026 mờ tơngume “Rùp să dà lềng dờng- Brồ guh ală lơgar” neh gơ gơs bơta gơn kơnờm dờng tŭ gơ hòi gơ jà mờr 790 rơbô dơ̆ năc tàm 3 ngai geh bơyai lơh dơ̆ chờ, cèng geh rlau 1 rơbô 300 tơmàn đong. Ala mat Sờn Niam chài, Tàp pràn să jan mờ Lòt nhơl càr pà gĭt tơngai tus càr rơ̆p pờ gùng par song tus Đồng Hới - Cam Ranh, lơh pràn gơ hòi gơ jà năc lơgar Lo, bơto bơtê mpồl cau gĭt đơs dà lơgar Nga, lơh sir broă lơh lòt nhơl mpồl bơtiàn mờ lơh sir sră nggal dờp Tiah lòt nhơl dà lơgar Bơhiàn niam chài bồt Cam Ranh wèt tus bơtàu tơnguh kơnhăp kơ̆.

Bơh bồ nam tus tŭ do, càr Dăk Lăk wă di pơgăp 5 tơlăk 300 rơbô dơ̆ năc, gơguh 37% pơn drờm mờ tŭ do nam lài mờ kờp jơh priă geh rơlao 9 rơbô 600 tơmàn đong. Nàng lơh gơs jơnau kờñ wă geh 10 tơlăk dơ̆ năc tàm nam do, Mpồl Sồr lơh Bơtàu tơnguh lòt nhơl càr ring bal tơrgùm lơh gơs Rơndăp broă bơtàu tơnguh lòt nhơl tơngai bơh nam 2026 tus 2030, bơ̆t bơtàu măt kă bro git đal, bơtàu tơnguh phan OCOP pơgồp bal mờ lòt nhơl mờ lơh pràn tam gơl sồ.Kwang đơng lam Anih duh broă Làng bol càr sồr ală gah lơh broă tơnguh broă pơgồp bal kă bro phan mờ lòt nhơl, bơtàu tơnguh lòt nhơl phan tam, mpồl bơtiàn mờ bơsong gơkòl ai ală rơndăp broă lơh in. is ồn, gah niam chài pal pơgồp bal pơlam ai geh anih tus, pờ geh phan lòt nhơl pa krơi is tàm ală tiah geh bơta niam bè Ea Kao, Tuy Hoà, Lăk nàng lơh geh bơta krơi is mờ hòi jà cau năc tàm nam 2027.