Ngan ngồn, pal gàr niam broă lơh, adat boh lam jat bơta geh ngan, lòt lài pờ gùng ai bơtàu tơnguh, ai làng bol mờ mpồl lơh sa kă bro lơh anih tờm, ai bơta niam, cồng nha lơh jat bơh ală adat boh lam lơh gai was broă lơh lơh adat.

Chủ tịch Quốc hội đơs sùm, pơrjum tơngŏ nùs nhơm lơh ngan bơh Quốc hội, Chính phủ mờ ală anih lơh broă kwơ màng tàm broă di tŭ lơh loh làng ală gùng dà broă lơh bơh Đảng, lơh geh jơnau sồr bơtàu tơnguh dà lơgar, ờ gŏ di lời lơyài, roh tŭ tơngai niam. Chủ tịch Quốc hội sồr ală cau ala mat kơlôi sơnơng nền sră pơ àr, jơh nùs cribơyai bal, tă pơgồp jơnau đơs gơwèt mờ ală tơngume gam geh uă jơnau đơs krơi is, ngan là ală broă gơrềng tus tơn làng bol mờ mpồl lơh sa kă bro; mơkung sồr tơl rơndăp broă lơh adat, Jơnau lơh nền tàm pơrjum pal geh rcang lài nền nòn, sền sơwì tơl làm bơta gơrềng mờ hòi jà bồ tơngoh jak bơh ală cau gĭt wă jrô broă lơh, cau jak chài, mpồl bơtiàn mpồl lơh sa kă bro nàng tơnguh uă cồng nha lơh adat boh lam.