Tàm dar pơrjum Chính phủ ờs mờng bè cồng nha rơndăp tăp sèng thôn, jơrnum làng bol tiah drà tàm gùt lơgar, mò Nguyễn Thị Hà, Thứ trưởng Bộ Broă dơlam is pà gĭt, jơh 34 càr, ƀòn dờng gơwèt Dà lơgar neh lơh sir broă rơndăp tăp sèng thôn, jơnum làng bol tiah drà jat di jơnau sồr bơh Bộ Chính trị mờ Chính phủ dê.

Tơnơ̆ rơndăp tăp sèng, khà thôn, jơrnum làng bol tiah drà tàm jơh gùt lơgar gơmù bơh 89 rơbô 589 gam 48 rơbô 078 (gơmù 41 rơbô 511 mpồl lơh broă, ndrờm mờ gơmù 46,33%). Jat Thứ trưởng Bộ Broă dơlam is, broă rơndăp tăp sèng ờ mìng tơrmù di pal cau lơh broă bơh sơn rờp lơm mờ gam tơnguh broă atbồ, khà thôn, jơrnum làng bol tiah drà lơh geh tơl jơnau sồr jat jơnau sồr geh tơnguh mờ bơsong sền bal bơta geh ngan dềt, rah rài; mơkung gam gàr niam kơ̆ kơl jăp ală thôn, jơrnum làng bol tiah drà krơi is bè kah yau, niam chài, jơi bơtiàn, pin dờn jat Yàng, sền gàr dà lơgar, lơngăp lơngai mờ kơnhoàl ù tiah.