Tàm Pơrjum, ồng Lê Minh Hưng, Thủ tướng Chính phủ đơs là tàm bơta gơlik geh tàm dunia di gơlan geh uă bơta mprơm dờng, gah Cri bơyai broă lơh bal mờ lơgar ndai neh pơgồp bal nền nòn mờ ală mpồl lơh broă gàr sùm tiah kis ring lơngai, kơ̆ kơl jăp chính trị mờ lơngăp lơngai mpồl bơtiàn.

Broă Cri bơyai mờ lơgar ndai ƀuơn geh bal tàm dơlam mờ bơrdìh hơ̆ là “bơta ƀuơn tàm pơrlòng kwơ màng” lơgar Việt Nam dê di lah pơn drờm mờ uă lơgar ndai, ai geh bơta tờm ngan broă bơtàu tơnguh dà lơgar in. Tàm tơngai tus, ồng Lê Minh Hưng, Thủ tướng Chính phủ sồr gah Cri bơyai broă lơh bal mờ lơgar ndai tam gơl bơngă mờ ală lơgar gơs bơta pràn bơtàu tơnguh dà lơgar. Ồng Lê Minh Hưng, Thủ tướng Chính phủ sồr gal cri bơyai broă lơh bal mờ lơgar ndai pal lơh ngan uă rơlao tai tàm broă tam gơl pa bồ tơngoh, gùng dà broă lơh broă; git nền ală bơta gơlik geh, yal lài sền sơwì, rơcang lài geh jơnau đơs jơnau dan bè ală mpồl kơnòl bal mờ gùng dà broă lơh mùl màl nàng dan mờ Đảng, Dà lơgar, mờ Chính phủ.