Jat broă lơh, nam 2026, Gia Lai rơ̆p lơh sră nggal tơnggơs sơnah ƀòn gơwèt mờ ală sàh Phù Mỹ, Tây Sơn, Tuy Phước, Chư Sê mờ An Nhơn Tây. Nam 2028, pơn jat tai lam lơh gơwèt mờ ală sàh An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông mờ Bình Khê.

Tus nam 2030, càr Gia Lai rơ̆p lơh sră nggal tơnggơs sơnah ƀòn gơwèt mờ ală sàh Đề Gi, Chư Prông mờ Bình Dương. Broă lơh sră nggal Ală jơnau neh lơh nền geh lơh jat tàm ală Adat rơndăp broă gơnoar atbồ càr nam 2025, ală Jơnau lơh nền tàm pơrjum bơh Anih duh broă Lơh kơnòl broă sùm Quốc hội bè tam pà tiah drà, tơl jơnau sồr mpồl lơh broă sră pơ àr gơnoar atbồ mờ ală sră nggal bơto pơlam bơh Chính phủ, Bộ Broă dơlam is dê. Jơnau kờñ bơh broă rơndăp lơh dê là lơh sră nggal Ală jơnau neh lơh nền gàr niam di rơndăp broă, sră nggal, gơnăp gơnoar jat jơnau sồr; di pal mờ Rơndăp ù tiah càr Gia Lai dê, Broă lơh bơtàu tơnguh tiah drà mờ pơlam gùng dà bơtàu tơnguh lơh sa- mpồl bơtiàn bơh càr dê.