Tàm 5 nam, broă Làng bol lơh broă sa suơn sre pơrlòng lơh sa, kă bro jăk neh hòi jà rơlao 1 tơlăk 900 rơbô hìu làng bol lơh broă sa dan cih măt tus bal; pah nam geh mờr 239 rơbô dơ̆ hìu geh khà hìu lơh sa kă bro jăk.

Tàm pơrjum, ală cau ala măt rơ̆p tam pà bal broă lơh mờng chài tàm mùl màl dê tàm broă bơtàu tơnguh lơh sa suơn sre, pơnrơ ngan là ală broă lơh sa, kă bro jăk; pơlam làng bol ai ù lơh ơnàng gùng lòt tàm ƀòn; tam gơl tam phan, bơtàu tơnguh tiah mìng tam tờm sầu riêng geh khà VietGAP pơgồp bal mờ lơh geh màh sồ tiah tam nàng drơng tàm broă tăc mờ lơgar bơdìh. Do geh sền là ală broă tơrlòng lơh geh bơta pràn lơh uă tàm tơngai tus.