Tàm dơ̆ wă, Tổng Bí thư, Chủ tịch lơgar đơs nền Việt Nam sùm sền dờng màng gĭt gơ̆p mờ Asean, sền Asean là hìu bơnhă dờng rềp mềl mờ là ală cau ơm rềp bal đềt mềr. Đơs niam ngan ală broă lơh geh bơh Asean dê tàm tơngai do, Tổng Bí thư, Chủ tịch lơgar tơlik nùs nhơm pin dờn ală lơgar tàm mpồl rơ̆p pơn jăt tai gàr kơ̆ tam klăc, lơh niam gơnoar broă anih tờm, bơ̆t bơtàu gơtùi Mpồl bơtiàn Asean tàm nam 2045.

Mơkung đơs sùm, tàm bơta broă dunia gơbàn mhar mờ ờ ƀươn soh, ală lơgar Asean pal sơlơ pin dờn tai chính trị, tơngguh uă pràn jak lơh broă kơnờm tàm bơta pràn is, rề ơnàng lơh broă bal lơh sa, kă bro phan, bơcri priă, tơrmù bơta ờ ndrờm bal bơtàu tơngguh đah ală dà lơgar tàm mpồl. Cau ala măt Kwang ătbồ Anih lơh broă ala măt ală lơgar Asean đơs nền rơ̆p pơn jăt tai pơgồp bal niam mờ Việt Nam, pơgồp bơnah bơ̆t bơtàu Mpồl bơtiàn Asean tam klăc, duh hồl, bơceh lơh mờ ai làng bol lơh anih tờm.