VOV.K’Ho – Mho ngai 13/4, Thủ tướng ồng Lê Minh Hưng đơng lam dơ̆ pơrjum bơh Duh broă sùm Cíñ phủ dê bè broă lơh lam lơh tam gơl wơl, koh tơrmù sră pơ àr gơnoar atbồ, ală bơta pal geh kă bro, koh tơrmù gah broă kă bro geh bơta pal geh, tam pà kâp bơsong sră pơ àr gơnoar atbồ jat Jơnau đơs pơndut sồ 18 bơh Đảng dà lơgar dê.

VOV.K’Ho- Geh bă ù ơnàng mờ khà lơh geh sầu riêng lam lài gùt lơgar, mơya càr Dăk Lăk kung gam pal kong mờ bơta “gơkòl” dờng tŭ uă ngan tiah tam ờ hềt pà màh sồ, lơh uă bơnah phan ờ hềt gơtùi tăc mờ lơgar ndai jat sră tăc uă, lơh tơrmù bơta kwơ jơh gah broă dê. Tàm tơngai hơ̆, broă bơt bơtàu mờ ai lơh ală anih yal tơngĭt tiah tờm tam phan lơh geh broă lơh sa suơn sre ring bal tàm gùt lơgar geh kơ̆p gơn rơ̆p lơh geh bơta tam gơl bơh sơn rờp, dong atbồ song dơ pă, gròi sền bơta bơkah niam tàm jơh anih tam phan, pờ gùng ai sầu riêng Dăk Lăk in tơnguh bơta pràn jak tàm pơrlòng.

VOV.K’Ho – Drim ngai 13/4, tàm Hìu lơh broă Củ tịc, Thủ tướng ồng Lê Minh Hưng đơng lam Dơ̆ wă rò ngan ngồn Thủ tướng lơgar Kộng hòa Slovakia ồng Robert Fico.

VOV.K'Ho- Đơs sồr lơh tàm pơrjum, Tổng Ƀí thư, Củ tịc lơgar ồng Tô Lâm đơs loh nùs nhơm, jơnau sồr geh ai tơnơ̆ Pơrjum dơ̆ do là gĭt kơ̆, lam lơh jat dùl bă kràñ cê jơh nùs, ring bal, geh cồng nha, lơh geh bơta tam gơl loh làng tàm ală anih lơh broă cíñ trị.

VOV.K’Ho- Anih duh broă Làng bol càr Lâm Đồng pa bơyai lơh pơrjum sền wơl broă lơh sa- mpồl bơtiàn qúy 1 nam 2026 mờ ai tơlik ală broă lơh tă bơsong kal ke, sơlơ tơnguh tai gơguh tai tàm tơngai tus.

VOV.K'Ho- Mho ngai 12/4, tàm tiah is ồn Phú Qúy, Anih duh broă Làng bol càr Lâm Đồng bơyai lơh Pơrjum lam lơh pơlam gùng bơtàu tơngguh tiah is ồn, tơrgùm đal git ală “anih gơkòl” bè phan bơna bơ̆t bơtàu, phan kwơ geh is nàng kờñ lơh gơlik bơta kơnờm gơguh tai kơnhăp jŏ.

VOV.K'Ho- Ngai 12/4, tàm càr Quảng Ninh, Anih duh broă Làng bol càr Quảng Ninh pơgồp bal mờ Anih duh broă Làng bol ală càr, ƀòn dờng Hà Nội, Hải Phòng, Bắc Ninh sơnđờm lơh rơndăp broă lơh gơl gùng rơndeh ồs lòt mhar Hà Nội – Quảng Ninh. Thủ tướng Cíñ phủ ồng Lê Minh Hưng tus bal Dơ̆ sơnđờm lơh.

VOV.K'Ho- Ngai 12/4, tàm Thái Nguyên, Tổng Ƀí thư, Củ tịc lơgar ồng Tô Lâm, Ƀí thư Anih duh broă đơng lam Đảng ling klàng Dà lơgar tus mờ jàu sră jờng rơ Khin cha jak chài Mpồl phàu crong làng bol pà Ling tiah 1 in (Ƀộ Ling klàng).

VOV.K’Ho- Mờ tă pơgồp priă geh bơh kă bro pơgăp 3 rbô tơmàn đong pah nam ai tăc phan tàm dà lềng mờ lơgar ndai, bơta phan ka ngừ dà lềng dờng tàm kơnhoàl ù tiah đah Măt tơngai Lik càr Dăk Lăk (càr Phú Yên yau) geh sền là gah lơh sa kwơmàng, neh mờ gam pơgồp bơnah geh sùm priă geh bơh tăc phan mờ lơgar ndai kơ̆ kơl jăp ai càr in mờ lơh geh priă cồng ai mpồl lơh sa kă bro in kung bè làng bol lơh ka in. Nàng tơngguh uă priă jền, gah geh gơnoar, mpồl lơh sa kă bro mờ jơh bal làng bol lơh ka gam lơh pràn lơh loh làng ală broă lơh gơlik bơh jòi tơnhàu tus lơh gơlik phan, jăt ngui jak chài măy mŏk, bơ̆t bơtàu drà tăc mờ lơgar ndai kơnhăp jŏ, wèt tus jơnau kờñ rơhời tă “sră rơmĭt IUU” bơh Anih duh broă câu Âu dê.

VOV.K'Ho- Mho ngai 9/4, tàm Hà Nội, tàm dơ̆ bơyai lơh Drà Lòt nhơl Ală lơgar Việt Nam –VITM 2026, càr Gia Lai pơgồp bal mờ Tơrgùm ală mpồl Lòt nhơl Việt Nam bơyai lơh Pơrjum hòi jà lòt nhơl, gơhòi gơ jà bơta sền gròi bơh gal ngan mpồl lơh sa kă bro, cau bơcri priă mờ ală mpồl lơh broă lòt nhơl.