Tơm boh bơr mờ làng bol lơgar he tàm lơgar New Zealand, ồng Tô Lâm - Tổng Bí thư, Chủ tịch lơgar chờ hờp ngan geh tàm tìp mờ mpồl bơtiàn cau Việt Nam tàm lơgar New Zealand bal mờ ala mat làng bol bơh ală lơgar bồt đah jum Thái Bình Dương. Ồng Tô Lâm - Tổng Bí thư, Chủ tịch lơgar pà git, dơ̆ lòt còp dơ̆ do tus New Zealand nàng kờñ pơn jat tai chồl tơnguh bơta git gơp lơh broă bal đah Việt Nam mờ New Zealand ngai sơlơ bơtàu tơnguh jrô ơnàng, geh cồng nha. Tổng Bí thư, Chủ tịch lơgar kơp kờñ làng bol lơgar he tàm lơgar New Zealand pơn jat tai tơnguh nùs nhơm tam klac, at tê bal nàng bơt bơtàu dùl mpồl bơtiàn bơtàu tơnguh kơ̆ kơljap, pràn kơldang, sùm sền dờng màng nùs nhơm pơn yờ să jơi bơtiàn, wèt hờ ƀòn tờm, dà lơgar mờ bơt bơtàu ai git gơp lơh broă bal lơh bơyô đah Việt Nam mờ New Zealand kung bè mờ ală lơgar bồt ngai sơlơ bơtàu tơnguh.