Tàm sàh tŭ do geh 1 ƀlàng tơp ƀồc cau chơt màng mờ 357 bơtô ƀồc. Tàm hơ̆, 220 bơtô ƀồc ờ hềt git jơnau yal tơnggit mờ geh sồr sền swì đal git ADN nàng đal git mat sơnđan. Pal sền gròi là bơh ngai 28/7 tus ngai 06/8/2026, Mpồl đơng lam Ling klàng sàh Đăk Pék, càr Quảng Ngãi neh ai mpồl lòt jòi tàm tiah thôn ngai 16 nhai 5 mờ rờ tơrgùm geh 10 ƀồc ntìng cau chơt màng.

Tơngai tus, sàh Đăk Pék pơn jat tai gàr sùm broă lơh sền nền wơl, đal git jơnau yal tơnggit bè cau chơt màng, bơtô ƀồc cau chơt màng; lam lơh lòt sền ù tiah ngan ngồn gơ wèt mờ ală jơnau yal tơnggit pa, mờ kung sơlơ sền swì, tă bơsong kal ke, gàr niam tơngai hơ pơrgon lam lơh Broă lơh dờng “500 ngai mang”. Dơ̆ bơyai lơh kah kơlôi mờ tơp ală cau khin cha jak chài chơt màng pa geh rờ tơrgùm kờp dŭ bơyai lơh ngai 14/8/2026 tàm Ƀlàng tơp ƀồc cau chơt màng Đăk Glei.