Chờ gờm ồng Rajpal Singh geh pồ lơh Kwang atbồ Anih lơh broă ala măt lơgar Singapore tàm lơgar Việt Nam, ồng Lê Minh Hưng, Thủ tướng Chính phủ đơs nề lơgar Singapore pơn jăt tai là lơgar lơh broă bal kwơ màng lài ngan bơh lơgar Việt Nam dê tàm tiah do.

Thủ tướng sồr bàr gah geh sùm mờ lơh pràn ală dơ̆ tus còp, tìp bal kấp dờng mờ ală kấp; tơnguh uă cồng nha lơh jăt ală kơrnoăt lơh broă bal đah bàr lơgar, tàm hơ̆ geh kơrnoăt pơrjum pah nam đah bàr Thủ tướng mờ Pơrjum Bộ trưởng tơrbŏ bal đah bàr gah lơh sa. Thủ tướng sồr bàr gah pơgồp bal nền nòn bơyai lơh geh cồng nha Cri bơyai Kwơ màng đah lơgar Việt Nam mờ lơgar Singapore dơ̆ sơnrờp kung bè ală broă lơh dờng tàm nam 2027 tŭ lơgar Singapore dờp lơh gơnoar broă Chủ tịch mpồl ASEAN mờ lơgar Việt Nam dờp bơyai lơh pơrjum APEC; lơh pràn lơh loh làng jơh ală jơnau hơ, jơnau ring bal kấp dờng đah bàr lơgar dê.