Bơh tŭ lam lơh broă lơh dờng (7/7) tus tŭ do, càr Dăk Lăk geh 53 rơndăp broă lơh, broă lơh bơ̆t bơtàu tờm kwơmàng tàm jơh bal 3 kơnhoàl ù tiah đah măt tơngai Lik mờ Mŭt geh lam lơh sờr ntrờn măt ù. Tus tŭ do, 3 rơndăp broă lơh neh lơh sir jơh 100% măt ù, 50 rơndăp broă lơh geh pơgăp 90%. Tàm khà lơh geh hơđăng 90% geh ală rơndăp broă lơh, bè gùng rơndeh lòt mhar Khánh Hoà – Buôn Ma Thuột bơnah pe mờ Rơndăp broă lơh gơl gùng ù gờl kềng gah dà lềng Phú Yên…

Ồng Phạm Ngọc Hùng, Phó Kwang Lam bồ Sờh Broă lơh sa mờ Tiah ơm kis càr Dăk Lăk (kwang bàng Jơnum dong broă sùm) pà gĭt, 5 jơnum lơh broă bơh Anih duh broă Làng bol càr Dăk Lăk dê tơnggơs neh di tŭ tă bơsong uă dơ̆ broă ờ ƀươn soh, gơ dŏ jòng uă nam. Broă lơh sờr ntrờn măt ù tam gơl bơh gơtìp ờ rơcăng lài tus rơcăng lài jăt broă rơndăp lơh, lơh mhar jàu măt ù mờ ai priă tơm wơl.